Kahani Ek Ladki Ki....

Uljhane zindagi ki panno me kai baar aate hai ...

Aur ... aur , na jane kyu hume kaii sawalo k saath chod jaate hai...

Aise hi kuch sawalo se ghiri hai ye ek ladki ki kahani... jo in sawalo me kahi kho si gayi hai...

Na jaane kya chahti hu,

Kabhi durr to kabhi sab k saath rehna chahti hu..

Kyu inn uljhano ko samajh nahi paati

Kyu iss bechaini ko parakh nahi paati

Dusro ki pareshaniyo ko to jaan leti hu

Kyu kabhi khud ko pehchan nahi paati

Kyu maan me hamesha ek sawal rehta hai

Par chaah k bhi unn sawaloo ka hal nahi nikal paati hu....

Na jaane ye dil kya chahata hai,

Pata nahi kyu ek anjane sapne k peeche daura chala jaata hai ..

Jab dil ko lagta hai ki

Ha!... ha , shayad yahi hai wo sapna

Pata nahi kyu tabhi ruth jaata hai koi apna,

Ab to darr lagta hai kabhi kabhi apne sapno se

Lagta hai jaise mai jaa rahi kahi durr aapno se.....

- Shweta

kuch sawal...

Na jane ye dil itne sawal kyu karta hai

hazaroo k bheed me bhi khud ko akela kyu mehsus karta hai ..

khud ko janne se katrata hai

kahin khud se hi nafrat na ho jaye shayad iss baat se ghabrata hai...

Na jane ye dil itne sawal kyu karta hai

jo kabhi na pure honge unhi sapno pe kyu marta hai

Na jane kyu hum kissi se dur jate hai..

jana hi ho kissi ko to phir kyu wo humare itne kareeb aa jate hai ...

Pyar karne se bhi darta hai ye dil

kahin mil gaya to wo kho na jaye iss baat se bhi darta hai ye dil..

Bikhre sapne bhaut rulate hai

par na jane kyu, na chahane par bhi wo iss dil ko yaad aate hai...

Na jane ye dil itne sawal kyu karta hai

roote waqt bhi un haseen lamho ko yaad karta hai

aur bus itni hi khwaish rehti hai iss dil ki..

" Kash! kash wo lamhe phir se jee lu.."

- Shweta